སེམས་ཀྱི་རྩ་བ་སྙིང་གར་བཞུགས།།
སྙིང་ནས་ཀླད་བར་རྩ་སྦྲེལ་བས།།
སེམས་ཀྱི་གཡོ་འགུལ་ཀླད་པས་བྱེད།།
དགེ་དང་མི་དགེའི་འདུ་བྱེད་ཀྱི།།
རྟོག་པ་ཡོངས་སུ་འགྱེད་པ་པོ།།
རྣམ་ཤེས་ཚོགས་བདུན་དང་བཅས་པ།།
ཀླད་པ་མེ་རི་འབར་བར་བཞུགས།།
འགྱུ་འཕྲོའི་རྟོག་པ་ཡོངས་བཅད་ཅིང་།།
ལུང་མ་བསྟན་དུ་ཡོངས་འཇམ་པའི།།
ཀུན་གཞི་སེམས་ཀྱི་རྩ་བ་ནི།།
སྙིང་ཁ་དུག་གི་འཁོར་ལོར་བཞུགས།།
དུག་གསུམ་དུག་གི་རང་བཞིན་ཉིད།།
ནམ་ཞིག་མེ་རི་ལྟར་འབར་བས།།
འཁོར་བ་མེ་འོབས་ཆེན་མོ་རུ།།
ཡང་ནས་བསྐྱར་དུ་འཁོར་བ་ཡིན།།
༢༠༢༠
No comments:
Post a Comment