(གནས་བརྟན་སྡེ་པའི་ལུགས་ཀྱི་སྟོན་པའི་འཁྲུངས་འདས་དུས་དྲན་གྱི་ལོ་གྲངས་སྐོར་ཡིག་བསྒྱུར་གྱི་ལམ་ནས་གསལ་བརྗོད་དང་རེ་བསྐུལ།)
དོལ་ཚེ་དགའ།
 |
མགོ་གཏམ།
དུས་རབས་ཀྱི་ཁྱོག་མཚམས་འདིར། འཛམ་གླིང་རྒྱལ་སྤྱིར་ཐོ་འགོད་བྱས་པའི་ཕ་མ། བྱིས་པ། དགེ་རྒན། སློབ་ཕྲུག དཔེ་ཀློག ཡིག་གཟུགས་སོགས་ཀྱི་དུས་ཆེན་མང་དུ་ཕྱིན་ཡོད་ཅིང་། ཆོས་ལུགས་བྱེ་བྲག་པ་རྣམས་ཀྱི་དུས་ཆེན་རྣམས་ཀྱང་འཛམ་གླིང་རྒྱལ་སྤྱིར་ཐོ་འགོད་བྱས་པ་སོགས་ཀྱི་རྐྱེན་པས། ད་ལྟའི་ཆར་ཀློག་པ་ཐོས་བསམ་པ་ཡིན་རུང་མིན་རུང་སྤྱི་ཚོགས་རིག་གནས་ལ་ཁ་མ་ཕྱོགས་པའི་མགོ་ནག་གདོང་དམར་ཧི་མཱ་ལ་ཡའི་མི་རིགས་དུ་མ་ཞིག “སྔོན་མ་འུ་ཅག་བོད་བརྒྱུད་ནང་བསྟན་པས་སྟོན་པའི་དུས་ཆེན་གསུམ་འཛོམ་མམ་སྟོན་པའི་འཁྲུངས་སྐར་ཉིན་མོ་དེ། བོད་ཟླ་བཞི་པ་ས་ག་ཟླ་བའི་ཉ་གང་ཉིན་མོར་རྩི་སྲོལ་ཡོད་ཀྱང་། དེང་སང་ཡང་འཛམ་གླིང་རྒྱལ་སྤྱི་ཅིག་ཅིག་དང་ལྷོ་བརྒྱུད་ནང་བསྟན་མིག་མིག་ཟེར་ནས་སྟོན་པའི་དུས་ཆེན་གྱི་ཉིན་མོ་དེ་ཁ་ཁར་རྩི་བཞིན་འདུག དེ་ཇི་ལྟར་ཡིན་ན།” བསམ་པའི་སོམ་ཉིའི་ཀློང་དུ་ཚུད་ཀྱིན་པ་རེད།
