«ཕྲིན་ཕྲན་ནང་གི་དྲྭ་ཚོམས་དག་ཏུ་འདུས་མདོའི་སྐོར་གྱི་བཀའ་འདྲི་རོབ་ཙམ་ཞུས་པ་ལས་བྱུང་བའི་དོགས་ལན།»
དྲི་བ།
ལྷན་རྒྱས་ཉིན་མོ་བདེ་ལེགས། ཀུན་རྟོག་གི་འཆར་སྣང་འགའ་ཞིག་ཞུ་བར་འདོད་པས།
བཀའ་ལན་ཡོད་པར་འཚལ།
- སློབ་དཔོན་ཆེན་པོ་གུ་རུ་པདྨ་འབྱུང་གནས་ཀྱི་གསོལ་འདེབས་ལེའུ་བདུན་མའི་ནང་གསེས་ལེའུ་བཞི་པ་གསང་བ་རིག་འཛིན་བརྒྱུད་པའི་གསོལ་འདེབས་སྐབས། སྔ་འགྱུར་བཀའ་མ་མདོ་རྒྱུད་སེམས་གསུམ་གྱི་རིམ་བརྒྱུད་རྣམས་ལས། རྫོགས་ཆེན་དང་སྒྱུ་འཕྲུལ་བརྒྱུད་པའི་བླ་མ་ལ་གསོལ་འདེབས་རེ་མཛད་ཡོད་ཅིང་། འདུས་མདོ་བརྒྱུད་པའི་བླ་མ་ལ་གསོལ་འདེབས་མཛད་པ་ཡེ་ནས་མི་གསལ་བས། འདི་ཡི་རྒྱུ་མཚན་གང་ལ་ཐུག་གམ།