དཔྱད་གཞིའི་ཚུལ་དུ་བྲིས།
① ཚིག་སྡུད་སྡེ་ཚན་དང་པོ།
[བྱ་ཚིག་ད་ལྟ་བ་དང་ཚིག་ཕྲད་འདྲེས་མ། ༡]
གཅོག་གི་འདུག = གཅོག་གྱིགགསུང་གི་འདུག = གསུང་གྱིགསྡོད་ཀྱི་འདུག = སྡོད་ཀྱིགསྟོན་གྱི་འདུག = སྟོན་གྱིགགཏུབ་ཀྱི་འདུག = གཏུབ་ཀྱིགགཅོམ་གྱི་འདུག = གཅོམ་གྱིགའགེབས་ཀྱི་འདུག = འགེབས་ཀྱིགའགེགས་ཀྱི་འདུག = འགེགས་ཀྱིག
འདི་དག་ནི། རྗེས་འཇུག་ཅན་གྱི་བྱ་ཚིག་ད་ལྟ་བ་རྣམས་ཀྱི་རྗེས་སུ། ཨི་ལྡན་གྱི་ཕྲད་"གྱི་ཀྱི་"གཉིས་འཇུག་ཅིང་། དེ་ལ་བསྒྲུབ་བྱའི་ཕྲད་"འདུག་"བཅས་སྦྲེལ་བས། "གྱིག་"དང་"ཀྱིག་"བཅས་སུ་གྱུར་བར་སྟོན་པ་ཡིན།
② ཚིག་སྡུད་སྡེ་ཚན་གཉིས་པ།
[བྱ་ཚིག་ད་ལྟ་བ་དང་ཚིག་ཕྲད་འདྲེས་མ། ༢]
འགྲོ་བཞིན་འདུག/འགྲོ་གིན་འདུག = འགྲོན་འདུགཟ་བཞིན་འདུག/ཟ་གིན་འདུག = ཟན་འདུགབལྟ་བཞིན་འདུག/བལྟ་གིན་འདུག = བལྟན་འདུགརྐུ་བཞིན་འདུག/རྐུ་གིན་འདུག = རྐུན་འདུགསྐྱེ་བཞིན་འདུག/སྐྱེ་གིན་འདུག = སྐྱེན་འདུགསྨྲ་བཞིན་འདུག/སྨྲ་གིན་འདུག = སྣྲན་འདུགངུ་བཞིན་འདུག/ངུ་གིན་འདུག = ངུན་འདུག
འདི་དག་ནི། རྗེས་འཇུག་མེད་པའི་བྱ་ཚིག་ད་ལྟ་བའི་རྗེས་སུ། "བཞིན་"སྒྲའམ་ཡང་ན་"གིན་གྱིན་ཀྱིན་འིན་ཡིན་"སོགས་ཀྱི་ཚབ་མཚོན་རང་བཞིན་གྱི་ཡི་གེ་"ན་"སྦྱར་བ་དང་། དེའི་རྗེས་སུ་"འདུག་"བྲིས་པས། དཔེར་ན། "འགྲོན་འདུག" ལྟ་བུར་གྱུར་པ་ཡིན། རྟ་རབ་ཕྱོགས་སུ་"འགྲོན་འདུག་"ཅེས་པའི་སྒྲ་གཙང་མ་འདོན་གྱི་ཡོད་པ་འདྲ། ནང་གོང་བས་"འགྲུན་འདུག་"ཟེར། དོན་ལ་རྟ་རབ་པའི་འབོད་སྟངས་དེ་ཏག་ཏག་བསྡད་ཡོད་པ་རེད། འདིར་ཆོབ་ཅིག་བླངས་ན། དོལ་པོ་སྤྱི་དང་ཁྱད་པར་ནང་གོང་བས་སྐད་ཆ་ཤོད་རྩལ་མགྱོགས་དྲགས་པས་གི་གུ་ཞབས་ཀྱུར་གྱུར་བ་དང་། དབྱངས་ཅན་དབྱངས་མེད་དུ་གྱུར་བ། དབྱངས་མེད་དབྱངས་ཅན་དུ་གྱུར་བ་སོགས་ཧ་ཅང་མང་ངོ་། ཧ་ཧ་ཧ་་་་་
③ ཚིག་སྡུད་སྡེ་ཚན་གསུམ་པ།
[བྱ་ཚིག་འདས་པ་དང་ཚིག་ཕྲད་འདྲེས་མ།]
འོངས་བ་ཡིན། = འོངས་བིན།ཟས་བ་ཡིན། = ཟས་བིན།ཕིན་དི་ཡིན། = ཕིན་དིན།གཏུབས་པ་ཡིན། = གཏུབས་བིན།བཏོན་དི་ཡིན། = བཏོན་དིན།བསྐྱལ་བ་ཡིན། = བསྐྱལ་ལིན།བཀལ་བ་ཡིན། = བཀལ་ལིན།བསྐུར་བ་ཡིན། = བསྐུར་བིན། / བསྐུར་རིན།བསྐོར་བ་ཡིན། = བསྐོར་བིན། / བསྐོར་རིན།
འདི་དག་བྱ་ཚིག་འདས་པའི་རྗེས་སུ། དེའི་ཚིག་གྲོགས་བདག་སྒྲ་པ་དང་བ་སོགས་དང་བསྒྲུབ་སྒྲ་ཡིན་གཉིས་སྦྱར་བས། བྱས་པ་ཡིན། ཞེས་པའི་ཚིག་སྡུད་ལ། བྱས་བིན་སོགས་འོང་བ་ལྟ་བུ་རེད།
འདི་དག་ལ་ལྟོས་ནས། ང་ཚོས་དོལ་པོའི་སྐད་ནང་ཚིག་སྡུད་ཧ་ཅང་མང་པོ་ཡོད་པ་མཚོན་ཐུབ་པ་ཡིན་ལ། ཚིག་སྡུད་ཀྱི་རྣམ་པའང་ཐུན་མོང་མ་ཡིན་པ་ཞིག་མཚོན་པ་ཡིན། ཅིའི་ཕྱིར་ཟེར་ན། བོད་མི་རིགས་ཀྱི་གཞན་སྐད་ཕལ་ཆེ་བར་འདི་ལྟ་བུའི་བྱ་ཚིག་དང་ཚིག་ཕྲད་གཉིས་པོ་ཚིག་སྡུད་རྒྱབ་པ་ཅང་མེད་དྲོ་དྲན། གཅིག་བྱས་ན་གློ་བོ་དང་མུ་གུམ་སོགས་ལ་ཡོད་དྲོ་ཅི་ཤེས།
འདི་དག་ལོ་ཤས་སྔོན་ནས་ཞར་ཞོར་དུ་ཉམས་ཞིབ་བྱས་པ། ད་རིང་གློ་བུར་དུ་ཟིན་བྲིས་སུ་བཏབ་པ་ཡིན། དོལ་སྐད་རྒྱལ་ལོ།། ༢༠༢༠།༡༠།༢༥།
No comments:
Post a Comment