སེམས་པ་ལ་ནི་བག་ཆགས་བརྟེན།།
བག་ཆགས་རྒྱུ་ནི་ལས་ལ་རག།
ལས་ལ་སེམས་ཤིང་བག་ཆགས་པས།།
སེམས་དང་ལས་གཉིས་ཕན་ཚུན་བར།།
མེད་ན་མི་འབྱུང་འབྲེལ་གྲུབ་སྟེ།།
སེམས་མེད་ན་ནི་ལས་མི་འབྱུང་།།
ལས་མེད་ན་ནི་སེམས་མི་འབྱུང་།།
སེམས་ཀྱིས་འཛིན་ཞེན་སྣ་ཚོགས་བྱས།།
དེ་ལས་ལས་སྣང་སྣ་ཚོགས་བསྐྱེད།།
དེ་དག་བག་ཆགས་གྱུར་པ་ཡིས།།
རིམ་བཞིན་འདི་སྣང་མུན་ཐུག་གྱུར།།
གང་སྣང་ལས་ལ་མ་སེམས་ཤིང་།།
བླང་དོར་འཛིན་ཞེན་མ་བྱས་པར།།
བག་ཆགས་སྣ་ཚོགས་མི་མྱོང་བས།།
ལས་ཀྱང་གསོག་པར་མི་འགྱུར་རོ།།
རྟེན་གཞི་སེམས་ཀྱི་ཆོས་ཉིད་ལ།།
བརྟེན་པ་བག་ཆགས་སྣ་ཚོགས་ཏེ།།
རྟེན་བྱེད་རྣམ་ཤེས་ཚོགས་དྲུག་གིས།།
བརྟེན་ཏེ་སྣ་ཚོགས་ལས་གསོག་གོ།
མདོར་ན་སེམས་ནི་གཙོ་བོ་སྟེ།།
སེམས་ཀྱི་བསམ་པ་སྔོན་འགྲོ་བས།།
དངོས་ཀུན་སྣ་ཚོགས་འཛིན་ཞེན་གྱིས།།
དེ་མཐུན་ལས་དང་བག་ཆགས་བསྐྱེད།།
ལས་སྣང་རེ་རེའི་བག་ཆགས་རེ།།
རིམ་བཞིན་ཐུག་པར་གྱུར་བ་ཡིས།།
ལས་སྣང་བག་ཆགས་སྣ་ཚོགས་ཀྱིས།།
འཁོར་བར་ཡོངས་སུ་འཁོར་གྱུར་རོ།།
ཞེས་པ་འདི་ནི་ངོ་དེབ་དྲྭ་གྲོགས་ཤིག་གིས། འདི་སྣང་ཐམས་ཅད་ལས་ལས་བྱུང་ངམ། སེམས་ལས་བྱུང་ངམ། བག་ཆགས་ལས་བྱུང་བ་གང་ཡིན་ཞེས་པའི་ལན་དུ་ཕུལ་བ་ལགས།
No comments:
Post a Comment