ང་ཚོའི་གདོད་མའི་མི་རིགས་བོད་པ་ཡིན།།
ང་ཚོའི་གདོད་མའི་སྐད་ཀྱང་བོད་སྐད་ཡིན།།
ང་ཚོའི་གདོད་མའི་ཡི་གེའང་བོད་ཡིག་ཡིན།།
ང་ཚོས་སོ་སོའི་གནས་སྟངས་ཧ་གོ་ནས།།
བོད་སྐད་ཡག་པོ་སྦྱོང་བའི་འདུ་ཤེས་ཀྱིས།།
ལ་ལུང་མང་པོ་བརྒལ་ཏེ་དགོན་པ་འདིར།།
འབྱོར་བ་བོད་སྐད་ཤེས་པའི་ཆེད་དུ་ཡིན།།
ང་ཚོ་ཚང་མས་མཉམ་དུ་བོད་སྐད་སྦྱོང་།།
བོད་སྐད་ལམ་ནས་ནང་ཆོས་ཐོས་བསམ་བྱེད།།
བོད་ཀྱི་སྐད་དང་ནང་ཆོས་འདི་གཉིས་པོ།།
སྦྱང་སའི་ཁོར་ཡུག་འདི་འདྲ་ཨེ་མ་རྨད།།
བོད་པས་བོད་སྐད་མི་སྦྱོང་སུ་ཡིས་སྦྱོང་།།
བོད་པས་བོད་ཡིག་མི་འབྲི་སུ་ཡིས་འབྲི།།
བོད་པའི་རིག་གཞུང་རིག་གནས་སྣ་མང་དག།
བོད་པས་མི་སྲུང་བོད་པར་རློམ་པར་མཚར།།
སློབ་ཕྲུག་རྣམས་ལ་བོད་སྐད་སྦྱོང་བའི་འདུ་ཤེས་བཟང་པོ་འཇོག་ཕྱིར་བྲིས་པ་དགེ
No comments:
Post a Comment