༈ མི་རྭ་ཅན། མགོ་གཉིས་ཅན།
ལུས་སྟོད་གཉིས་ཅན། ཕག་ལས་མི་སྐྱེ་བ། རྒྱ་མཚོ་ནང་གི་མེ་ཏོག་འབུ་རིགས་སུ་སྐྱེ་བ།
ས་མཐོའི་དབྱར་རྩ་དགུན་ཁ་འབུར་ཆགས་པ་སོགས། དེང་སང་གི་དུས་རབས་འདིར་ཤེས་བྱ་ལ་ཡིན་པ་སྲིད་མི་སྲིད་ཀྱི་སྐད་ཆ་ཁྱོན་ནས་མེད་པར།
ཕལ་ཆེར་ཡོད་ཚད་ནས་ཡོད་ཚད་ཡིན་པ་སྲིད་པའི་ཤེས་བྱ་དག་དག་ཡིན་པའི་སྣང་ཚུལ་སྣ་ཚོགས་མཐོང་རྒྱུ་ཡོད།
སྤྱིར་བཏང་འཇིག་རྟེན་གྲགས་སྡེའི་དབང་དུ་ན།
ནང་པའི་ཚད་གཞུང་ནས་བསྟན་པ་ལྟར། གོང་བཀོད་ཆོས་ཅན་ཐམས་ཅད་རི་བོང་རྭ་དང་ཆ་རྐྱང་རྐྱང་རེད།
འོན་ཏེ་བརྟེན་འབྱུང་བསླུ་བ་མེད་པའི་ལས་འབྲས་ཀྱི་བདེན་མཐུ་བསམ་གྱིས་མི་ཁྱབ་པའི་རྒྱུས།
ཅིར་ཡང་འབྱུང་ལ་ཅིར་ཡང་སྣང་དུ་རུང་བ་ཞེས་རྒྱུད་གཞུང་གསང་བ་ཟབ་མོའི་སྐད་ཆ་དེར་བསམ་བློ་གཏོང་དགོས་པའི་དུས་ཏག་ཏག་སླེབས་ཡོད།
བསྐལ་པ་འདི་ནི་བཟང་པོ་རང་རེད་མོད།
དེ་བཞིན་བསྐལ་པ་འདིའི་ཕྱི་ནང་སྣོད་བཅུད་ཐམས་ཅད་ཀྱང་བཟང་པོ་རང་ལས་མ་འདས།
ཡིན་ནའང་གང་ཟག་སོ་སོ་སྐྱེ་བོའི་རྒྱུད་ཀྱི་བློའི་སྒོ་མོ་ཡོད་ཚད་མུན་ནག་གི་ཀློང་དུ་འཐུམས་དང་འཐུམ་བཞིན་པའི་རྐྱེན་ལས།
རང་རང་སོ་སོའི་བློ་སྒོ་དེ་ཡང་ཆུང་དུ་འགྲོ་བ་དང་སྣོད་བཅུད་དག་ཀྱང་སྙིགས་མ། ནུས་མེད།
ཕན་མེད་དུ་གཏོང་བཞིན་པ་འདི་ཅི་འདྲའི་ཡ་ང་བ་རེད་ཨང་།
08/11/2018
No comments:
Post a Comment