Saturday, 29 October 2016

ང་འདི་ལྟར་ལྷག་དོན་ཅི།


ང་ནི།
མང་པོ་ཞིག་བྲི་རྒྱུར་མི་དགའ་ཞིང་།
མང་པོ་ཞིག་བཀླག་རྒྱུར་ཡང་མི་དགའ།

མང་པོ་ཞིག་ཉན་རྒྱུར་མི་དགའ་ཞིང་།
མང་པོ་ཞིག་བཤད་རྒྱུར་ཡང་མི་དགའ།

ཨེ་མ། ང་སློབ་གྲྭ་བ་ཞིག་ཡིན་ཙང་།
འབློ་ཀློག་ཉན་བཤད་ལ་མི་དགའ་ན།
འོ་ན་ང་གང་ལ་དགའམ།

ལོ་ངོ་ཏོམ་གནག་དེ་ཙམ་སློབ་གྲྭར་བསྡད་ནའང་།
ད་དུང་འབྲི་ཀློག་ཉན་བཤད་ལ་མི་དགའ་མཁན་དེ་ང་གཅིག་པུ་ཡིན་ནམ།།

ང་ཅིའི་ཕྱིར་འབྲི་ཀློག་ཉན་བཤད་ལ་མི་དགའ་བ་ཡིན། 
ད་བར་སློབ་གྲྭའི་སྤྱི་ཚོགས་སུ་འགྲིམས་ནས་ལོ་ངོ་དུ་མ་ཞིག་རིམ་གྱིས་ཡལ་སོང་། 

ད་དུང་ཡང་ང་འབྲི་ཀློག་ཉན་བཤད་ལ་མི་དགའ་ན།
ང་འཁོར་ཡུག་འདིར་བསྡད་པས་ཅི་ལ་ཕན་ཨང་།

མ་རེད། མ་རེད། 
ཡང་སྙིང་ང་འདི་ལྟར་ལྷག་དོན་དེ།
རྒྱུ་རྐྱེན་ཅི་ཞིག་གིས་ལན་པ་ཡིན་ཨང་།

སློབ་སྦྱོང་ལ་དོན་གཉེར་དེ་ཙམ་མེད་པའི་ཤག་མཚེས་གྲོགས་པོ་ཞིག་སྟེ། ཁོང་ནི་སྣང་བ་བག་ཡངས་ཅན་ཡིན་པས། ཁོང་ལ་འདི་ལྟ་བུའི་ཚོར་སྣང་མེད་རུང་། སྐྱེ་དགོས་ངེས་ཀྱི་དབང་དུ་བྱས་ནས་དེའི་དོད་དུ་བྲིས། ༢༠༡༦།༡༠།༣༠།

No comments:

Post a Comment