༈ སྤྱིར་ཡུལ་སྐད་ཡིག་ཐོག་ཏུ་འབེབས་རྒྱུ་ནི། སྤྱི་སྐད་དམར་གསོད་གཏོང་བའི་རྒྱུ་རྐྱེན་དུ་འགྲོ་བར། སྔོན་བྱོན་མཁས་པ་མང་པོས་གསུངས་པ། ད་ལྟའི་མཁས་པ་ཚོས་ཀྱང་དེ་ལ་རྩི་བཀུར་ཞུ་བཞིན་པ་རེད། འོན་ཀྱང་རང་རེའི་ཡུལ་སྐད་ངེས་པར་དུ་ཡི་གེར་འགོད་དགོས་ན། སྔར་ཡོད་ཟིན་པའི་ཐ་སྙད་ལ་ང་ཚོས་རང་རང་གི་ཁ་ནས་གང་འཐོན་ལྟར་བསྒྱུར་ན་མི་རིགས་ཤིང་། སྒྲ་གདངས་ཀྱི་ཁྱད་པར་ཅུང་ཟད་རེའི་དབང་གིས་བཅོས་དགོས་ན། དཔེར་ན། སྔོན་གྱི་ཡིག་ཆ་རྣམས་སུ་"ཨ་ཇོ་"འབྲི་བ་དེ་ཁྱབ་ཆེ་བ་རེད་མོད། "ཨ་ཇོ་"དང་"ཨ་ཅོ་"གང་ལྟར་བྲིས་ནའང་ཁྱད་པར་མེད།
